काठमाडौं, मलेसियामा अबैधानिकरुपमा रहेका आप्रवासीलाई घर फर्काउन अगष्ट १ देखि सुरु भएको ‘व्याक फर गुड’ कार्यक्रम डिसेम्बर ३१ मा सम्पन्न हुदै छ ।  सोही कार्यक्रममा अन्तर्गत मलेसियाको क्वालालम्पुर स्थित रहेको नेपाली राजदुताबासले काजजात विहिन भई मलेसिया बस्दै आएका नेपाली नागरिकलाई नेपाल फिर्ता हुने हवाई टिकट बुझाई आफ्नो नाम दर्ता गर्न अनुरोध गरेको छ । दूतावासले शनिबार सुचना जारी गर्दे डिसेम्बर २८ (पुस १३) सम्म हवाई टिकट बुझाएर नाम दर्ता गराउन अनुरोध गरेको छ ।

दुताबासका अनुसार मलेसियामा करिब ११ हजार नेपाली कामदार अवैध रुपमा बसेको अनुमान गरेको छ । हालसम्म सात हजार नेपाली नागरिक ‘व्याक फर गुड’ कार्यक्रममा सहभागी भई घर फर्काइसकेको दुताबासले जनाएको छ ।