कास्की, उपनिर्वाचन नजिकिँदै गर्दा कास्कीमा वडा अध्यक्षको घरमा बम विस्फोट भएको छ । सोमबार राती २ बजेर ४५ मिनेटमा पोखरा महानगरपालिका वडा– ३३ का अध्यक्ष शिव आचार्यको घरमा बम विस्फोट भएको हो ।

बम विस्फोटबाट घरमा पार्किङ गरेर राखेको गाडीमा क्षति पुगेको जिल्ला प्रहरी कार्यालय कास्कीका प्रमुख एसपी दानबहादुर कार्कीले जानकारी दिनुभयो।  वडा–३३ अध्यक्ष आचार्यको पोखरा महानगरपालिका १७ बिरौटास्थित घरमा पार्किङ गरेको ग २ च ४२६ नम्बरको हाइलक्स गाडीमा अज्ञात समुहले विस्फोट गराएको हो।

घर परिसरमा बम पड्किएर गाडी क्षतिग्रस्त भएको वडाअध्यक्ष आचार्यको पारिवारिक स्रोतले पनि पुष्टि गरेको छ। विस्फोटबाट भएको क्षति विवरण खुलेको छैन। घटनाबारे अनुसन्धान जारी रहेको जिल्ला प्रहरी कार्यालयले जनाएको छ ।