काठमाडौँ, निर्वाचन आयोगले बोलाएको बैठकमा प्रमुख राजनीतिक दलले मंसिर १४ गते हुने उपनिर्वाचनमा निर्वाचन आचार संहिता पालना गर्ने प्रमुख राजनीतिक दल सहित १७ दलले प्रतिवद्धता जनाएका छन् ।

बिहीबार भएको बैठकमा सरकारका तर्फबाट उपप्रधानमन्त्री तथा रक्षामन्त्री ईश्वर पोखरेल, परराष्ट्रमन्त्री प्रदीप ज्ञवाली लगायतको उपस्थिती रहेको थियो ।

नेपाल कम्युनिष्ट पार्टी (नेकपा)का तर्फबाट अध्यक्ष पुष्पकमल दाहाल प्रचण्ड, महासचिव विष्णु पौडेल, नेपाली कांग्रेसका तर्फबाट नेता एनपी साउद लगात सहभागी रहेको थियो ।

प्रतिनिधिसभा र प्रदेशसभाको उपनिर्वाचनमा ७६ दलले र स्थानीय तहको उपनिर्वाचनमा ७८ दलले सहभागीता जनाउँदैछन् ।