लण्डन । यूरोपेली संघ इयू बाट बेलायतको बहिर्गमनबारे छलफल गर्न बेलायती प्रधानमन्त्री बोरिस जोनसनले इयू प्रमुख जाँ क्लाउड यङ्करसँग सोमबार कुराकानी गर्ने प्रधानमन्त्री कार्यालयले शुक्रबार जानकारी गराएको छ । “प्रधानमन्त्री जोनसन सोमबार दिउसो लक्जेम्वर्ग जाने र ब्रेक्जिटका बिषयमा इयू नेता यङ्करसँग भेटवार्ता गर्ने कार्यक्रम तय भएको छ,” प्रधानमन्त्रीको कार्यालयका प्रवक्ताले भने ।

यो जोनसनले प्रधानमन्त्रीको जिम्मेवारी सम्हालेपछि छिट्टै इयू प्रमुखबाट विदा लिन लाग्नुभएका यङ्करसँगको पहिलो बैठक हुनेछ । यद्यपि आगामी बैठकबाट कुनै समाधानको अपेक्षा भने गरिएको छैन । “यङ्करसँगको कुराकानी पछि जोनसनले लक्जेमवर्गका प्रधानमन्त्रीले जेभियर बेट्टेलसँग भेट गर्ने कार्यक्रम रहेको छ,” प्रधानमन्त्रीको कार्यालयले बताएको छ ।