गृहमन्त्री रामबहादुर थापासँग नेपाली कांग्रेसका उपत्यकाका जिल्ला सभापतिहरुले जागरण सभा असुरक्षित भएको बताएका छन् । बाँके जिल्ला सभापति सहित घाइते हुनेगरी आक्रमण भएकाले जागरण सभा असुरक्षित भएको उनीहरुले गृहमन्त्री समक्ष गुनासो राखेका छन् । आजबिहानै काठमाडौं, ललितपुर र भक्तपुरका जिल्ला सभापतिहरु सहितको टोलीले गृहमन्त्री थापाले भेटेका छन ।

कांग्रेस काठमाडौं सभापति सबुज बानियाँ, ललितपुर सभापति मदन अमात्य र भक्तपुर सभापति दुर्लभ थापाले गृहमन्त्री थापासँग जागरण सभामा सुरक्षा व्यवस्था मिलाइदिन आग्रह गरेका थिए ।

गृहमन्त्री थापाले नेपाली कांग्रेसको जागरण सभाका क्रममा बाँकेमा भएको घटनाका दोषीलाई कार्बाही गर्ने प्रतिबद्धता जनाए ।