धनगढी, सरकारले कुनै पनि किसिमको कारोबार गर्न प्यान अनिवार्य गरेपछि धनगढीमा व्यक्तिगत प्यान लिनेहरुको संख्या वृद्धि भएको छ । आन्तरिक राजश्व कार्यालय धनगढीले साउनयता ४४ दिनमा १७ हजार छ सय ९४ जनालाई व्यक्तिगत प्यान दिएको छ । आर्थिक ऐन २०७६(०७७ भन्दा पहिले पनि सरकारले व्यक्तिगत प्यानको व्यवस्था गरेको भएपनि २०७६ असार मसान्तसम्म जम्मा २८ हजार तीन सय २० जनाले मात्रै व्यक्तिगत प्यान लिएका थिए ।

डेढ महिना नपुग्दै कार्यालयले दुई सय २१ प्रतिशत भन्दा बढि व्यक्तिगत प्यान वितरण गरेको छ । कर अधिकृत पौड्यालले दैनिक छदेखि सात सय प्यान नम्बर वितरण गरिरहेको बताए । सेना प्रहरीको एकै पटक धेरै आउँछ । उनीहरुको फाइल आज बुझेर भोलि तयार गरेर दिन्छौं । केही सेवाग्राहीले फाइल बुझाएको भोलिपल्ट प्यान कार्ड लिने गरेका छन् ।