काठमाडौं, संस्कृति, पर्यटन तथा नागरिक उड्डयन मन्त्री योगेश भट्टराईले प्रमुख प्रतिपक्षी दलका नेता (नेपाली काँग्रेसका सभापति) शेरबहादुर देउवासँग भेटवार्ता गर्नु भएको छ ।

शनिबार बिहान देउवाको निवास बुढानीलकण्ठ पुगेर मन्त्री भट्टराईले भेटवार्ता गरि नेपाल भ्रमण वर्ष २०२० लाई कसरी सफल बनाउन सकिन्छ भन्ने विषयमा छलफल गर्नुभएको हो ।

मन्त्रालयका तर्फबाट भईरहेका काम, केही दिन पहिले सार्वजनिक गरेको मन्त्रालयको वार्षिक कार्यक्रम र भ्रमण वर्ष २०२० को बारेमा जानकारी र वृहत छलफल गरेको मन्त्री भट्टराईले बताउनु भयो ।

आफूले राखेको कुराहरु प्रमुख प्रतिपक्षी दलका नेता शेरबहादुर देउवाले अभिरुचिका साथ सुन्नुभएको र महत्वपूर्ण सल्लाह र सुझाव पनि दिनुभएको मन्त्री भट्टराईले बताउनुभयो ।