तनहुँ, तनहुँको व्यास नगरपालिका र म्याग्दे गाउँपालिकाकामा नौ जना व्यक्तिमा डेङ्गुको सङ्क्रमण देखिएको छ । इपिडिमियोलोजी तथा रोग नियन्त्रण महाशाखाका अनुसार गत साउन २४ गते एक जनामा डेङ्गु देखा परेको तनहुँमा यही भदौ ११ गतेसम्म डेङ्गुका बिरामी नौ जना पुगेका छन् ।

गत साउनसम्म दमौली अस्पतालमा डेङ्गुको शङ्का लागेका १२ जनाको परीक्षण गरिएको दमौली अस्पतालले जनाएको छ ।

हालसम्म गण्डकी प्रदेशका ७ जिल्लामा ३३९ जना डेङ्गुका बिरामी फेला परेका छन् । सबैभन्दा बढी कास्कीमा ३१२ जना र सबैभन्दा कम पर्वत, बागलुङ, लमजुङमा २ र२ जना डेङ्गुका बिरामी फेला परेका छन् । स्याङ्जामा ९ जना, तनहुँमा ९ जना, गोरखामा ३ जना डेङ्गुका बिरामी छन् ।