बारा, आदर्शकोतवाल गाउँपालिका—५ रुपौलियाबाट नक्कली नेपाली रुपैयाँसहित एक जना पक्राउ परेका छन् । चितवन राप्ती नगरपालिका—८ बीरेन्द्रनगर बस्ने ३७ वर्षीय पर्शुराम न्यौपानेलाई एक हजार दरका नक्कली नेपाली रुपैयाँ ४ थानसहित मंगलबार राति प्रहरीले पक्राउ गरेको हो ।

सोही ठाउँस्थित मोहन सहनीले संचालन गरेको मदिरा पसलमा न्यौपानेले बियर खरिद गर्ने क्रममा दिएको एक हजार दरको १ वटा नोट नक्कली भएको भनी पसल संचालकले खबर गरे पश्चात खटिएको प्रहरीले उनलाई नियन्त्रणमा लिई जाँच गर्दा न्यौपानेको खल्तीमा थप हजार दरका थप ३ वटा नक्कली नोट फेला पारेको थियो । यस बारेमा थप अनुसन्धान भइरहेको प्रहरीले जानकारी दिएको छ ।