काठमाडौं, कतार ट्राफिक महाशाखाले जथाभावी बाटो काट्ने पैदल यात्रुका लागि नयाँ व्यवस्था लागू गरेको छ । जथाभावी बाटो काट्दा सडक दुर्घटना बढ्न थालेको भन्दै महाशाखाले जथाभावी बाटो काट्ने पैदल यात्रुलाई कारबाही गर्ने भएको हो । कतारको गृह मन्त्रालय अन्तर्गत रहेको सार्वजनिक सम्बन्ध विभागको सहकार्यमा ट्रफिक महाशाखाले आइतबार दोहामा एक कार्यक्रम गर्दै अगस्ट १ तारिक देखि लागू हुने गरी जथाभावी बाटो काट्ने पैदल यात्रुलाई १ सय देखि ५ सय कतारी रियाल सम्म जरिवाना हुने जानकारी दिएको छ ।

जथाभावी बाटो काट्ने प्रवृत्तिलाई पनि सडक दुर्घटनाको एक प्रमुख कारक मान्दै महाशाखाले सो नियम कडाइका साथ लागू गर्न लागेको कार्यक्रममा सहभागी नेपाली प्रतिनिधि प्रो. रमजान अलि मियाँले जानकारी दिनुभयो ।