एजेन्सी,भारत मध्य प्रदेशको छतरपुर प्राइभेट अस्पतालमा एक युवाको पेट दुखेर उपचार गर्दा पेटबाट थुप्रै फलामे वस्तु निस्किएको छ । चिकित्सकले युवकको स्वास्थ्य परीक्षण गर्दा पेटमा गडबडी देखेपछि दुई घन्टासम्म अपरेसन चल्यो ।

सोही क्रममा पेटबाट आरा, फलामको पाता, बोरा सिउने लामो सियो, थुप्रै डटपेन, रबर, बल लगायत ३३ वस्तु फेला परे । डा. एमपीएन खरेले रोगी योगेन्द्र ठाकुरको पेटको सीटी स्क्यान गर्दा पेटमा फलामजन्य वस्तुहरू देखेको बताए । ठाकुरका दाइ सतीशले बताएअनुसार, उनलाई फलामे वस्तु अनि धारिला कुरा खाने बानी लागेको थियो । डा. खरेले जिन्दगीमा पहिलोपटक कुनै व्यक्तिको पेटबाट यति धेरै वस्तु निकालेको बताए ।