भक्तपुर,भक्तपुर युरो किड्स सल्लाघारीका साना विद्यार्थीलाई सहभागी गराई वर्षा दिवस अर्थात ‘रेनी डे’ मनाइएको छ । वर्षातको पानी परिनसकेकोे बेलामा मनाइएको ‘रेनी डे’ मा विद्यालयको धाराबाट पाइप जोडी पानी छर्किँदै ‘रेनी डे’ मनाइएको थियोे ।

‘रेनी डे’ मनाउनु अघि सबै विद्यार्थीलाई रेनकोट, छाता र पानी पर्दा लगाउने बुटको व्यवस्था गरिएको थियो । विद्यार्थीलाई वर्षातको पानीको महत्व, वर्षातको पानीमा भिज्दा लाग्नसक्ने चिसो, निमोनिया, रुघाखोकी लगायतका रोगबारे बच्नुपर्ने कुरा पनि विद्यार्थीलाई सिकाइएको थियो । ‘रेनी डे’ मनाउन पाउँदा विद्यार्थीहरु निकै खुसी भएको विद्यालयका सञ्चालक अध्यक्ष सुनेत्र प्रधानांगले बताउनु भयो ।