भक्तपुर, सरकारका विरोधीलाई प्रधानमन्त्रीका सल्लाहकारले ‘छौँडा’को संज्ञा दिनु भएको छ । प्रधानमन्त्रीका प्रमुख राजनीतिक सल्लाहकार विष्णु रिमालले ट्वीटर मार्फत विरोधीहरुलाई ‘छौँडा’को संज्ञा दिनु भएको हो ।

ट्वीटरमार्फत रिमालले लेख्नु भएको छ

‘भनिन्छ, छौंडाहरू
आफैं चलमलाउँदैनन्
कसैले छोड्छन्,
दुःख दिन्छन् !
यी छौंडाहरू
आफैं चलमलाएका हुन् की
कसैले छोडेका र ?’

पछिल्लो समयमा सरकारले आइफा अवार्डका लागि करोडौँ रुपैया दिन लागेको र भारतबाट आयात हुने तरकारीको विषादी परीक्षण रोकेकोलगायतका विषयमा आफ्नै नेताहरुसहित आम जनताले विरोध गरिरहेका छन् ।

रिमालले सरकारको बिरोध गर्नेहरुको प्रतिरोध गर्ने क्रममा ‘छौँडा’ शब्दको प्रयोग गरेपछि यतिबेला सामाजिक संजालहरुमा रिमालको चर्को बिरोध भैरहेको छ।