केही समयदेखि लय मिलेको विवादमा रहेको गीत ‘गलबन्दी’का दुई पक्षले सहमति गरेका छन्।प्रकाश सपुतको नाम भने ‘पुनः संगीत’मा रहनेछ। राईको देउसीभैलो गीत ‘आउ नाचौं साथी हो’सँग गलबन्दीको ‘गलबन्दी च्यातियो’ मिलेको बताइएको थियो।

गीतका गायक, संगीतकार र गीतकार प्रकाश सपुत र लय मिलेको दाबी गर्ने गायक शम्भु राईबीच मंगलबार सहमति भएको हो।

सहमतिपछि राईले उजुरी फिर्ता लिनेछन् भने सपुतले गीतमा राईको नाम थप गर्नेछन्। गीतको प्रतिलिपि अधिकार भने सपुतसँगै रहनेछ।

सर्जक सपतुले संयोगवश मिल्न गएको बताइरहेका थिए भने गायक राई चोरिएको भन्दै प्रतिलिपि अधिकार रजिष्ट्रारको कार्यालयमा उजुरी दिन पुगेका थिए।