नयाँ शक्ति पार्टी नेपालका संयोजक डा. बाबुराम भट्टराईले अहिलेको बजेट ल्याउदा अर्थमन्त्री डराएको महशुस भएको टिप्पणी गरेका छन् । उनले अर्थमन्त्री कसैको दवावमा परी बजेट ल्याएको जस्तो देखिएको बताए ।

प्रतिनिधि सभाको शुक्रबारको बैठकमा बोल्दै भट्टराईले भने, ‘अर्थमन्त्रीलाई दोष दिन चाहन्न तर यसो हेर्दा वहा कहीँ कतै डराए जस्तो लाग्यो, निरन्तरताको लागि बजेट आयो तर यसबाट हामी खुसी छैनौ । पहिले र अहिलेको बजेटमा केहि भिन्नता आएन, समय अनुसार परिर्वतन हुनुपर्ने हो ।’

उनले यो बजेटमा असन्तुष्टि जनाउँदै लाजै लाग्ने बजेट आएको पनि बताए । साथै उनले समानुपतिक बजेट आउनु पर्ने र यो सच्याउन जरुरी भएको पनि उल्लेख गरे ।

उनले यो बजेटबाट न्यायपूर्ण विकास नहुने पनि बताउँदै वृद्धिमा जोड दिने वितरणमा ध्यान दिनुपर्नेमा जोड दिए ।