भक्तपुर । भक्तपुरमा तोकिएको सीमा उलंघन गर्ने १८ वटा सवारी साधनलाई प्रहरीले नियन्त्रणमा लिएको छ ।

सडक सुरक्षा बिशेष अभियान कार्यक्रम अन्तरगत साँगा चोकदेखी मनहरा पुलसम्म सवारी साधनको अधिकतम् गतिसिमा ५० कि.मी. प्रति घण्टा निर्धारण गरिएको थियो ।

उक्त गतिमा तोकिएको सीमा उलंघन गर्ने जिपकार ४ वटा, मोटरसाईकल ९ वटा, ट्रक र ट्रिफर ५ वटा सवारी साधनलाई लेजरगन को सहायताले नियन्त्रणमा लिई सवारी तथा यातायात ब्यवस्था ऐन २०४९ अनुसार कारवाही गरिएको बताइएको छ ।

साथै गति नियन्त्रण गर्ने यस अभियानलाई प्राथमिकताका साथ आगामी दिनहरुमा निरन्तर संचालन गरिने महानगरीय प्रहरी परिसर भक्तपुरका प्रहरी नायव उपरिक्षक रेबति रमण पोखरेलले बताएका छन् ।