अफगानिस्तानको उत्तरी प्रान्त कुन्दुजको इमाम साहिब जिल्लामा हवाई आक्रमणमा ५   सैनिक मारिएका छन् ।

उक्त हवाई आक्रमण अफगान हवाई सैनिक अथवा अमेरिकाआवद्ध संयुक्तबलले गरेको हो भन्ने प्रष्ट भएको छैन।

बुधबार आतङ्ककारीबिरुद्ध गरिएको हवाई आक्रमणका क्रममा ५ जना सैनिक मारिनुका साथै अन्य ७ जना घाइते भएका छन् छ।

अफगानिस्तानमा बारम्बार यस्ता आक्रमण भएको पाइन्छ। गत मे १७ मा हेल्मन्ड प्रान्तमा नाहर ए सराज जिल्लामा अमेरिकाआवद्ध बलले तालिबान लडाकू लक्षित आक्रमणमा १७ प्रहरी मारिनुका साथै अन्य ११ जना घाइते भएका थिए।

जिल्लाका गभर्नर महबोउल्ला सायेदीले स्थानीय समयाअनुसार बुधबार बिहान २ बजे उक्त आक्रमण भएको जानकारी दिए।