काठमाण्डौ । काठमाण्डौको माइतीघरमा शुक्रबार राति भएको दुर्घटनामा एक जनाको ज्यान गएको छ। बा १७ च ४३८४ नम्बरको कारमा बा ७२ प ९५७१ नम्बरको मोटरसाइकल ठोक्किँदा मोटरसाइकल चालक काठमाण्डौ नयाँ बानेश्वर बस्ने २३ वर्षीय आयुषराज पाण्डेको ज्यान गएको हो ।

दुर्घटनामा घाइते भएका पाण्डेको उपचारका क्रममा नर्भिक अस्पतालमा ज्यान गएको प्रहरीले जनाएको छ ।
मोटरसाइकलमा पछाडि बस्ने २२ वर्षीय सन्तोष भण्डारी घाइते भएका छन् । उनको नर्भिक अस्पतालमा उपचार भैरहेको छ । कार चालकलाई नियन्त्रणमा लिइएको महानगरीय ट्राफिक प्रहरी महाशाखाले जनाएको छ ।

माइतीघर तिनकुने सडकखण्डमा पछिल्लो समय ज्यान नै जाने र्दुघटना भएका थिएनन । लामो समयपछि यस र्दुघटना भएको हो ।