जेठ, भक्तपुर । चाँगुनारायण नगरपालिका गेलाल गाउँदेखी ज्योलिङ्गेश्वर जाने सडक तथा जागृति चोकदेखी गेलाल गाउँ जाने दुई वटा सडकको शिलान्यास कार्यक्रम सम्पन्न भएको छ ।

उक्त शिलान्यास कार्यक्रममा बोल्दै नेपाल कम्युनिष्ट पार्टी ९नेकपा०का युवा नेता, पूर्वउधोगमन्त्री तथा प्रतिनिधिसभाका सांसद महेश बस्नेतले भक्तपुरको विकास र समृद्धिमा लागेका सम्पूर्ण सरोकारवाला निकाय तथा जनतालाई एक ढिक्का भई ढुक्क भएर लाग्न आग्रह गर्नुभएको छ ।

सांसद बस्नेतले भक्तपुरको विकासमा नेपाल मजदुर किसान पार्टीले हैन, इन्द्रेको बाउ चन्दै आए पनि रोक्न नसक्ने चेतावनी दिदै जनप्रतिनिधि नभएको भनि चिन्ता लिनु नपर्ने बताउनुभयो ।

उहाँले भक्तपुर क्षेत्र नं। १ को सवै जनप्रतिनिधिको जिम्मा नेकपाले लिने भन्दै चाँगुनारायणको विकास र समृद्धिमा प्रेम सुवाल नआए पनि विकास नरोकिने बताउनुभयो ।

पूर्वउद्योगमन्त्री समेत रहनुभएका सांसद बस्नेतले नेपाल मजदुर किसान पार्टी विकास विरोधी, भ्रष्टाचारी, घुसखोरी, सफाई अभियानको विरोधी तथा कमिसनको दलदलमा रहेको बताउनुभयो ।

उहाँले भक्तपुरमा निर्माणको प्रकृयामा रहेका राष्ट्रिय गौरवका आयोजनाहरु रंगशाला, स्मार्ट सिटी लगायतका राष्ट्रिय गौरवका आयोजना असफल बनाउन उद्धत रहेको साथै प्रदेश नं। ३ को राजधानी भक्तपुर ल्याउन नदिने घृणीत स्वार्थीय खेलमा लागेको भक्तपुरको एक मात्र पार्टी नेमकिपा भएको बताउनुभयो ।

उहाँले भक्तपुरको समग्र विकास तथा तिव्र रुपमा निर्माणको क्रममा रहेको हनुमन्ते नदीको करिडोर निर्माण प्रकृया तत्काल बन्द गर्नुपर्ने साथै विकास हुनलागेको समेत विगार्ने नेमकिपाको सिद्धान्त जस्तै भईसकेको औंल्याउनुभयो ।

उहाँले सबैको साथ र सहयोग नै विकासको हिसावले भक्तपुर देशकै उत्कृष्ट रहेको बताउँदै सडकको विकास र विस्तारमा भक्तपुरले ऐतिहासिक ठूलो क्रान्ति नै गरेको बताउनुभयो । अरनीको राजमार्गको वैकल्पीक सडकका रुपमा सडकहरु विस्तार हुने क्रममा रहेको बताउँदै उहाँले उपत्यका विकास प्राधिकरणबाट यो वर्षमात्र ३० करोडको रकम प्राप्त भएको जानकारी गराउनुभयो ।

सांसद बस्नेतले मेलम्चीको विकल्पमा विभिन्न पाँच वटा ड्याम बनाउने प्रकृया अघि बढाएको बताउँदै आर्थिक समृद्धिको साथमा पर्यटनको विकास भक्तपुरको मुख्य योजना रहेको प्रष्ट पार्नुभयो ।

आगामी वर्षमा यो भन्दा बढी विकासका कार्यक्रमहरु हुने बताउँदै उहाँले स्मार्ट सिटी, आधुनिक वीर अस्पताल, प्राणी उद्यान केन्द्र, रंगशाला, सभागृह, अरनिको राजमार्गलाई ६ लेनको बनाउने लगायतका कार्यहरु तिव्र गतिका साथ अघि बढेको बताउनुभयो । उहाँले मेलम्चीको पानी सपूर्ण भक्तपुरमा वितरण गर्ने गरी प्रयास भइरहेको समेत जानकारी गराउनुभयो । उहाँले अन्य विविध कुराको प्रकाश र्पानुभएको थियो ।

यसैगरी कार्यक्रममा चाँगुनारायण नगरपालिकाका नगरप्रमुख तथा स्थानीय परियोजना निर्देशन समितीका संयोजक सोम प्रसाद मिश्रले थाई जनता र नेपाली जनताको पनि सहयोगले सडक शिलन्यास भएको बताउदैैं अन्य विपत व्यवस्थापनको क्षेत्रमा चाँगुनारायण नगरपालिकाले महत्वपूर्ण कामहरु गरेको बताउनुभयो ।

सडक डिभिजन कार्यालय बाट विनियोजित रु ६ करोडको लागतमा गेलाल गाँउ ज्योतिलिङ्गेश्वर सडक स्तरोन्नती र कालोपत्र गर्न साथै प्रदेश सरकार र नगरपालिका बाट विनियोजित रु ४ करोड ७७ लाखको लागतमा जागृती चोकदेखी गेलाल गाँउसम्मको सडक स्तरोन्नती र कालोपत्र गर्न शिलान्यास गरिएको थियो ।