बैशाख २३ , काठमाडौं । महानगरीय प्रहरी परिसर काठमाडौं र महानगरीय अपराध महाशाखाका प्रमुख परिवर्तन भएका छन् । गृहमन्त्रालयले प्रहरी प्रधान कार्यालयको सिफारिसमा उनीहरुलाई सरुवा गरिएको हो ।

महानगरीय प्रहरी परिसर काठमाडौंमा एसएसपी उत्तम सुवेदी आएका छन् भने वसन्त लामा लागू औषध नियन्त्रण ब्युरोमा सरुवा भएका छन् । १ नम्बर प्रदेशको तालिम केन्द्रमा कार्यरत एसएसपी सहकुल थापालाई अपराध महाशाखाको प्रमुख बनाइएको छ ।
अपराध महाशाखाका प्रमुख एसएसपी धिरजप्रताप सिंहलाई प्रधान कार्यालय अन्तर्गत तालिम सेवा निर्देशनालयमा सरुवा गरिएको छ ।