काठमाडौंः प्रधानमन्त्री तथा नेकपा कम्युनिष्ट पार्टी नेकपाका अध्यक्ष केपी शर्मा ओलीले नेकपाबाट दुईचार कुलांगार भष्मासुरले पार्टी छाड्दैमा फरक नपर्ने बताएका छन्।

सोमबार दाङमा पुल उद्घाटनका लागि पुगेका प्रधानमन्त्री ओलीले आफ्ना अभिब्यक्ति दिँदै दुईचार कुलाङ्गार भष्मासुरले पार्टी छाड्दैमा केही नहुने बताएका हुन्।

उनले भने, ‘दुईचार कुलांङ्गार भष्मासुरले पार्टी छाड्दैमा केही हुँदैन, काम गर्न नदिनेलाई जनताले दण्डित गरून् भनेरै निर्वाचन घोषणा गरेको हो। जनताले दण्डित गर्छन्।’

उनले थपे, ‘पार्टीको आधिकारिक बैठक नबसी बैंक्वेटमा गएर बैठक बस्छन्। उनीहरू केपी ओली यो पृथ्वीमै नरहे हुन्थ्यो भन्ने चाहन्छन्। पिलो निचोरिँदैमा वजन घट्दैन।’