बर्दियाः अबैध चोरी, तस्करी र अपराध नियन्त्रणको लागि खटिएको सशस्त्र प्रहरीले ११ क्युफिट काठ बरामद गरेको छ ।

बिहीबार बर्दिया जिल्लाको राजापुर नगरपालिका–१ मुर्गहवाघाटस्थित कर्णाली नदि किनारमा गस्ती गरिरहेको सशस्त्र प्रहरीले लुकाई छिपाई राखेको सिसौ जातको ११ क्यूफिट बराबरको काठ बरामद गरेको हो ।

बरामद काठको मूल्य अन्दाजी सोह्र हजार पाँच सय रुपैयाँ पर्ने र काठ आवश्यक कार्बाहीको लागि सम्बन्धित कार्यालयमा बुझाईएको बताइएको छ ।

त्यस्तै प्याज, नुन, सुर्ती, चिनी तथा अवैध सामान ओसार/पसारमा संलग्न भे१ह २७५९ नम्बरको अटोसहित अटोपाट्स गरी अन्दाजी तिन लाख एघार हजार एक सय साठी बराबरका सामानहरु पनि भन्सार कार्यालय बुझाउने प्रकृयामा रहेकोसमेत सशस्त्र प्रहरीले जनाएको छ ।