नेकपा नेता भीम रावल कारबाहीमाः ३० लाख अनियमितता गरेको आरोप

प्रकाशित मिति

२०७७ पुष २२ गते, बुधबार ०६:३५

धनगढीः नेपाल कम्युनिष्ट पार्टी नेकपा (दाहाल–नेपाल) समूहका सुदूरपश्चिम प्रदेश इन्चार्ज भीम रावलसहित तीनजना कारबाहीमा परेका छन् ।

बुधबार धनगढीमा बसेको नेकपा ओली समूहको सुदूरपश्चिम प्रदेश कमिटीको चौथो बैठकले रावललाई कारवाही गर्दै पदबाट हटाएको हो ।

नेकपा (ओली पक्ष) का प्रदेश अध्यक्ष कर्ण बहादुर थापाका अनुसार खाताबाट ३० लाख झिकेर अनियमितता गरेको आरोप लगाउँदै इन्चार्ज भीम रावल, प्रदेश सचिव नेप बहादुर चौधरी र प्रदेश कार्यालय सचिव दिनेशचन्द्र सुवेदीलाई कारवाही गर्न केन्द्रमा सिफारिस गरेको बताए ।