काठमाडौं, प्रधानमन्त्री केपी शर्मा ओलीले मन्त्रिपरिषद वैठकअघि राष्ट्रपति विद्यादेवी भण्डारीसँग भेटवार्ता गरेका छन् । आकस्मिक रुपमा मन्त्रिपरिषद बैठक बोलाएका प्रधानमन्त्री ओली त्यसअघि नै राष्ट्रिपतिसँग भेटवार्ता गर्न शीतलनिवास पुगेका हुन् । शीतलनिवासमा केहीबेर राष्ट्रपति भण्डारी र प्रधानमन्त्री ओलीबीच छलफल भएको स्रोतले जानकारी दिएको ।

अहिले प्रधानमन्त्री ओली बालुवाटार फर्किसकेको र मन्त्रिपरिषद बैठक शुरु हुन लागेको जनाइएको छ ।  यसअघि मंगलबार स्थायी समितिको बैठकअघि र पछि गरेर दुई पटक प्रधानमन्त्री ओलीले राष्ट्रपति भण्डारीलाई भेटेका थिए ।