भक्तपुर । नेपाल तरुण दल भक्तपुरका अध्यक्ष डुकडुकि राजु थापालाई अमेरिकामा रहेको एउटा संस्थाले कोरोना भाइरसको संक्रमणका बेला राम्रो काम गरेको भन्दै प्रशंसा पत्रबाट सम्मानित भएका छन् ।

थापालाई कोरोनाका बेला सामाजिक कार्यमा उल्लेखनीय कार्य गरेको भन्दै ‘कोभिड–१९ हीरो अवार्ड’ प्रदान गरिएको छ ।

तरुण दलका अध्यक्ष थापाले भक्तपुर जिल्लामा कोरोनाको संक्रमणका बेला राहत वितरण, जनचेतना फैलाउने कार्य, उद्धार, रक्तदान लगायतका सामाजिक कार्य गर्दै आएका छन् ।

यसअघि पनि अध्यक्ष थापाले जिल्लामा विभिन्न सामाजिक कार्यहरूमा सक्रियताका साथ काम गर्दै आएका छन् ।