काठमाडौं, शुक्रबारदेखि वीर अस्पतालले कोरोना भाइरस (कोभिड–१९) को नमुना परीक्षणका लागि तयार भएको छ। वीर अस्पतालका निर्देशक केदार सेन्चुरीका अनुसार कोरोना भाइरस को परीक्षण गर्न मिल्ने गरी अस्पतालको जेनेटिक प्रयोगशाला सञ्चालनमा ल्याइएको छ।

निर्देशक सेन्चुरीका अनुुसार अस्पतालको ल्याब कोरोना परीक्षण गर्न तयार रहेको छ । अस्पतालको उक्त ल्याबमा तत्काल दुई सिफ्टमा गरी दैनिक ६० नमुना परीक्षण गर्न सकिने उहाँले बताउनुभयाृ ।

हालसम्म टेकुस्थित राष्ट्रिय जनस्वास्थ्य प्रयोगशालासहित देशका १० स्थानबाट पीसीआर प्रविधिबाट कोरोना भाइरसको परीक्षण भइरहेको छ। साथै आजबाट विराटनगर, पाटनलगायत विभिन्न स्थानमा पनि ठूलो क्षमताको पीसीआर जडान भई परीक्षण गर्न लागिएको स्वास्थ्य मन्त्रालयका प्रवक्ता विकास देवकोटाले बताउनुभयो ।