काठमाडौं । कोरोना भाइरसको संक्रमण फैलिन नदिन सरकारले लकडाउन गरे संगै सडकका कुकुर र बाँदर भोकै भएका छन् । मानिसहरु घर बाहिर ननिस्किँदा काठमाडौंका सडकमा हिँड्ने कुकुर, गाई, बाँदरलगायतका पशु चौपाया समस्यामा परेका छन् ।

यही चैत ११ गतेबाट लकडाउन सुरु भएपछि यस्ता कुकुर र बाँदर भोकै परेका छन् । परिणाममा स्वयम्भु र पशुपति क्षेत्रका बाँदर रिसाउन थालेका छन् । मान्छेको आवागमन हुँदा बाँदरहरुले खाने कुरा पाउँथे । लकडाउनको अवधिमा मान्छेको आवागमन नहुँदा भोकै परेका छन् ।

होटल, रेष्टुराँ, मासु पसल सञ्चालन हुँदा सडकका कुुकुरहरुले पनि पेट भर्न पाइरहेका थिए । तर लकडाउनका कारण यस्ता पसल बन्द भएपछि खान पाएका छैनन् । भोकका कारण कुकुरहरु रिसाउने, खानाको खोजीमा ठाउँ चाहारिरहने, झगडा गर्ने गर्न थालेका छन् ।