काठमाडौं, तारा एअरले आइतबार लुक्लाबाट ३० जना पर्यटक र २८ जना टे«किङ गाइडहरुको उद्दार गरेको छ । नेपाल पर्यटन बोर्डको अनुरोधमा टुरिष्ट गाइड, ट्रेकिङ कम्पनीका सञ्चालक तथा कर्मचारी लगायतका नेपालीहरुलाई पनि उद्दार गरिएको हो ।

कोभिड १९ को संक्रमणबाट बच्न नेपाल सरकारले उच्च सर्तकता अपनाउँदै ‘नेपाल लकडाउन’ पश्चात् पर्यटकहरु लुक्लामा अलपत्र परेका अमेरिकन र बेलायती नागरिकहरुलाई यती एअरलाइन्सको भगिनी संस्था तारा एअरले उनीहरुको उद्दार गरी आज काठमाडौं ल्याएको हो । ‘रिलिफ फ्लाइट’ सञ्चालन गरिएको आज चौथों दिन हो ।

शनिवार दिउँसो १५ जना अमेरिकन नागरिकलाई लुक्लाबाट उद्दार गर्न तारा एअरको विमान तयारी अवस्थामा रहेपनि खराव मौसमका कारण रद्द भएकोले सो उडान आज विहान ७ बजेको लागि सारिएको थियो ।