काठमाडौं, भारतीय प्रधानमन्त्री नरेन्द्र मोदीले सार्क सदस्य राष्ट्रहरु मिलेर कोरोना भाइरसविरुद्ध बलियो रणनीति बनाउने प्रस्ताव गर्नुभएको छ । उहाँले यसबारे सबै नेताहरुले छलफल गरेर रणनीति बनाउन प्रस्ताव गर्नुभएको हो ।

शुक्रबार ट्वीटरमार्फत् मोदीले सार्क देशका नेताहरुलाई बलियो रणनीति बनाउने प्रस्ताव गर्दै उल्लेख गर्नुभयो, ‘हामीले विश्वलाई उदाहरण प्रस्तुत गर्दै स्वस्थ ग्रह बनाउन योगदान दिन सक्छौं ।’ उहाँले सार्क राष्ट्रका नेताहरुले भिडियो कन्फरेन्समार्फत् रणनीति बनाउनका लागि छलफल गर्न सकिने समेत बताउनुभयो ।

भारतमा कोरोना भाइरसको संक्रमण फैलिदै जाँदा एक व्यक्तिको मृत्यु भएको खबर सार्वजनिक भएपछि मोदीले यस्तो धारणा राख्नुभयो ।