काठमाडौं, नवनियुक्त पर्यटक प्रहरी प्रमुख अस्मिता कपालीले पर्यटक प्रहरीले थप दक्षता हासिल गर्दै पर्यटन सुरक्षामा विशेष जोड दिने बताउनुभएको छ । एक एसोसिएसनले आयोजना गरेको बधाई तथा स्वागत कार्यक्रममा उहाँले सो धारणा राख्नु भएको हो ।

‘नेपाल भ्रमण वर्ष २०२०’ चलिरहेको सन्दर्भमा उहाँले पर्यटक प्रहरी संख्यात्मक रुपमा एकदमै न्युन रहेको बताउदै उहाँले भन्नुभयो ‘ पर्यटक प्रहरीको जिम्मेवारी भनेको ‘पर्यटक सुरक्षा’ हो । हेर्दा सामान्य तर, संवेदनशील विषय हो ।’

नेपाल आउने पर्यटकको सुरक्षाको लागि पर्यटक प्रहरी मात्रै जिम्मेवार नभएर पर्यटन व्यवसायीहरुको पनि भूमिका प्रभावकारी हुनु पर्ने उल्लेख गर्नुभयो । एक महिनाअघि मात्रै प्रहरी निरीक्षक अस्मिता पर्यटक प्रहरी प्रमुखको रुपमा नियुक्ती हुनुभएको थियो ।