झापा । झापाको मेचीनगर नगरपालिका ६ स्थित भन्सार ढाटबाट शनिबार एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको दमक नगरपालिका २ बस्ने २१ बर्षिय मुस्कान फुयाल छन् । उनलाई सशस्त्र प्रहरी बल नेपाल नम्बर ८ गुल्म हेक्वा झापाबाट खटिएको एपीएफ टोलीले पक्राउ गरेको हो ।

एपीएफ टोलीले फुयाललाई शंका लागि जाँच गर्दा उनको साथमा फेनारागन ६० वटा, डाईजापाम ६० वटा र लुपिजेसिक ६० वटा फेला परेपछि पक्राउ गरिएको हो । पक्राउ परेका फुयाललाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको जनाइएको छ ।