काठमाडौँ, देशभर चिसो बढेसँगै काठमाडौँ उपत्यकाको तापक्रम पनि न्युन भएको छ । उपत्यकामा आज बिहानको न्यूनतम तापक्रम ३.५ डिग्री सेल्सियस मापन गरिएको छ ।

काठमाडौँ उपत्यका तथा तराईसहित देशका धेरै ठाउँमा केही दिनदेखि राम्रोसँग घाम लाग्न सकेको छैन । तराईमा मंगलबार बिहानदेखि लागेको हुस्सु नहट्दा र देशका अरु ठाउँमा पनि बिहानपख बाक्लो हुस्सु लागेर चिसो बढ्दा जनजीवन प्रभावित भएको छ ।

आज पनि तराईका धेरै ठाउँमा दिनभर नै हुस्सु लाग्ने सम्भावना छ । अरु ठाउँमा दिउँसोपछि हुस्सु हटे पनि मौसम पूर्णरुपमा खुल्ने सम्भावना कम रहेको मौसमविद्ले बताएका छन् ।