भक्तपुर, सुर्यविनायक नगरपालिका –४ दधिकोटमा जुवा खेलीरहेका अवस्थामा ७ जना पक्राउ परेका छन् । पक्राउ पर्नेमा सुर्यविनायक नगरपालिका –४ का ४४ वर्षिय श्याम (पासाङ तामाङ, टहरा धनी) , ५६ वर्षिय नवराज खड्का,३६ वर्षिय सुर्य बहादुर तामाङ, ४८ वर्षिय सानु तामाङ, ४२ वषिय भिम बहादुर तामाङ, २८ वर्षिय अर्जुन तामाङ र ५७ वर्षिय श्याम खड्का रहेका महानगरिय प्रहरी वृत्त ठिमिले जनाएको छ ।

पासाङ तामाङको जस्ताको टहरामा प्रहरी वृत्त ठिमिको टोलीले उनीहरुलाई मंगलबार राति जुवा खेलीरहेको अवस्थामा पक्राउ गरेको हो । उनीहरुसंग दई लाख सात हजार आठ सय पचासी रुपियाँसमेत नगद बरामत गरेको प्रहरी वृत्तले जनाएको छ । उनीहरुमाथि थप अनुसन्धान भइरहेको प्रहरी वृत्त ठिमिले जनाएको छ ।