रुपन्देही, रुपन्देहीबाट १० लाख युरोको एउटा नोटसहित पाँच जनालाई प्रहरी पक्राउ गरेको छ । सैनामैना सोरौलीबाट १० लाख युरोको एउटा नोटसहित प्रहरीले सोही ठाउका मिना सुनार, रमेश सुनार, गुल्मी धुर्कोटका राजु सुनार, नवलपरासी बर्दघाटका कमल सुनार र स्याङ्जा गल्याङका गणेश सुनार पक्राउ गरेको हो ।

जिल्ला प्रहरी कार्यालय रुपन्देहीले नोट सक्कली हो या नक्कली भन्ने यकिन भइनसकेकोले नोटलाई नेपाल राष्ट्र बैंक केन्द्रीय कार्यालय काठमाडौं पठाइएको जनाएको छ ।

प्रारम्भिक अनुसन्धानबाट उक्त नोट सटही नहुने र मौद्रिक मूल्य नभएको केवल शो केसमा सजाएर राख्ने प्रयोजनको भएको बुझिएको प्रहरीले जनाएको छ । नोट सटही भएको खण्डमा १२ करोड ८० लाख नेपाली रुपैयाँ हुन आउँछ । पक्राउ परेका उनीहरुबाट ६ थान मोबाइल पनि बरामद भएको छ भने उनीहरुमाथि थप अनुसन्धान भइरहेको प्रहरीले जनाएको छ ।