नेप्से १३ अंकले घट्यो, ४ अर्ब नजिक कारोबार

प्रकाशित मिति

२०८३ भाद्र २५ गते, बिहीबार ०३:४७

२५ भदौ २०८३ काठमाडौं — साताको अन्तिम कारोबार दिन बिहीबार नेपाल स्टक एक्सचेञ्ज (नेप्से) १३.८५ अंकले घटेको छ। नेप्से परिसूचक २ हजार ५३१.५५ बिन्दुमा कायम भएको हो।

आज ३४१ कम्पनीको १ करोड ५ लाख ८३ हजार कित्ता शेयर किनबेच हुँदा ३ अर्ब ९९ करोड ८५ लाख रुपैयाँ बराबरको कारोबार भएको छ।

यसदिन १३ वटै उपसूचक राताम्य भएका छन्। विकास बैंक समूहको शेयर मूल्य ०.४७ प्रतिशत र वाणिज्य बैंक समूहको ०.३४ प्रतिशतले घटेको छ। बिहीबार ६७ कम्पनीको शेयर मूल्य बढ्दा २०० कम्पनीको घटेको छ। त्यस्तै, ११ कम्पनीको शेयर मूल्य स्थिर रहेको छ।