११ भदौ २०८३ काठमाडौं –भोटेकोशी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनःस्थापनाका लागि चाँगुनारायण नगरपालिकाले ५० लाख ३५ हजार रुपैयाँ सहयोग गर्ने निर्णय गरेको छ।

नगर प्रमुख जीवन खत्रीका अनुसार उक्त रकम प्रधानमन्त्री दैवी प्रकोप उद्धार कोषमा जम्मा गरिनेछ। सहयोग रकम स्थानीय विपद् व्यवस्थापन कोष, जनप्रतिनिधि, कर्मचारी र शिक्षकबाट जुटाइनेछ।

नगरपालिकाका अनुसार स्थानीय विपद् व्यवस्थापन कोषबाट १० लाख, जनप्रतिनिधि तथा कर्मचारीबाट २० लाख ३५ हजार र शिक्षकबाट १३ लाख रुपैयाँ संकलन गरिनेछ। जनप्रतिनिधिको एक महिनाको सेवा–सुविधा तथा कर्मचारीको तलबबाट रकम कटौती गरी सहयोग जुटाइनेछ।

उक्त रकम विपद्बाट प्रभावित नागरिकको राहत, उद्धार तथा पुनःस्थापना कार्यमा प्रयोग हुने नगरपालिकाले जनाएको छ।