८ असार २०८३ काठमाडौं – नेपाली बजारमा सोमबार सुन र चाँदी दुवैको मूल्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ हजार ४०० रुपैयाँले बढेर २ लाख ८८ हजार ७०० रुपैयाँ पुगेको छ। आज १० ग्राम सुनको मूल्य २ लाख ४७ हजार ५१५ रुपैयाँ कायम गरिएको महासंघले जनाएको छ।

यसअघि असार ७ गते छापावाल सुन प्रतितोला २ लाख ८७ हजार ३०० रुपैयाँमा कारोबार भएको थियो। सुनसँगै चाँदीको मूल्यमा पनि सामान्य वृद्धि भएको छ। महासंघका अनुसार चाँदी प्रतितोला ४० रुपैयाँले बढेर ४ हजार ७३० रुपैयाँ कायम भएको छ। अघिल्लो दिन चाँदीको मूल्य प्रतितोला ४ हजार ६९० रुपैयाँ रहेको थियो।

यस्तै, आज १० ग्राम चाँदीको मूल्य ४ हजार ५५ रुपैयाँ निर्धारण गरिएको छ। अन्तर्राष्ट्रिय बजारमा हुने मूल्य उतारचढावका आधारमा नेपाल सुनचाँदी व्यवसायी महासंघले दैनिक रूपमा नेपाली बजारका लागि सुन तथा चाँदीको मूल्य निर्धारण गर्दै आएको छ।