२२ जेठ २०८३ काठमाडौं – निर्वाचन आयोगले निर्वाचनसम्बन्धी कानुनलाई संशोधन र एकीकरण गर्न बनेको विधेयकको मस्यौदा गृह मन्त्रालयमा पठाएको छ। आयोगले हाल प्रचलित विभिन्न सात वटा ऐनलाई एकीकृत गर्दै तयार पारेको विधेयकको प्रारम्भिक मस्यौदा यसअघि २०८० असार १८ गते सरकारलाई पठाएको थियो। तर उक्त मस्यौदा लामो समयसम्म गृह मन्त्रालयमै थन्किएको थियो।

पछि भदौमा भएको जनजी आन्दोलन र त्यसपछिको राजनीतिक अवस्थासँगै संसद् विघटन भएपछि गृह मन्त्रालयले उक्त मस्यौदा पुनः निर्वाचन आयोगमै सुझावका लागि फिर्ता पठाएको थियो।

नयाँ मस्यौदामा विदेशमा रहेका नेपाली नागरिकलाई मतदानको अधिकार, विद्युतीय भोटिङ मेसिनको प्रयोग तथा ‘नो भोट’ को व्यवस्था समेटिएको छ।