१९ जेठ २०८३ काठमाडौं – माण्डु हाइड्रोपावर लिमिटेड ले आफ्ना शेयरधनीलाई लाभांश वितरण गर्ने घोषणा गरेको छ। कम्पनीको जेठ १८ गते बसेको सञ्चालक समितिको बैठकले गत आर्थिक वर्षको संचित मुनाफाबाट हाल कायम चुक्ता पूँजी १ अर्ब ३६ करोड ६३ लाख ३७ हजार रुपैयाँको १० प्रतिशत बोनस शेयर तथा ०.५२६३ प्रतिशत नगद लाभांश वितरण गर्ने निर्णय गरेको हो।

कम्पनीका अनुसार प्रस्तावित लाभांश विद्युत नियमन आयोग र आगामी वार्षिक साधारणसभाबाट स्वीकृत भएपछि वितरण गरिनेछ।

लाभांश घोषणासँगै कम्पनीका शेयरधनीले बोनस शेयरसँगै कर प्रयोजनका लागि नगद लाभांश पनि प्राप्त गर्नेछन्।