१० चैत,२०८२ काठमाडौं- नेपाली कांग्रेस को केन्द्रीय कार्यसमितिको बैठक आज बस्दैछ। बैठक दिउँसो १ बजे नेपाली कांग्रेस केन्द्रीय कार्यालय सानेपा मा आयोजना हुने पार्टीका मुख्य सचिव कृष्ण प्रसाद दुलाल ले जानकारी दिएका छन्।

बैठकमा केन्द्रीय कार्यसमितिका पदाधिकारी, सदस्यहरू तथा प्रदेश सभापतिहरूको उपस्थिति रहने बताइएको छ। साथै, पार्टी सभापति गगन थापा पनि बैठकमा सहभागी हुनेछन्।

यसअघि सभापति थापाले दिएको राजीनामा गत शुक्रबार र आइतबार बसेको केन्द्रीय समितिको बैठकले अस्वीकार गरेको थियो। आजको बैठकमा समसामयिक राजनीतिक अवस्था, पार्टीको आगामी रणनीति तथा संगठन सुदृढीकरणका विषयमा छलफल हुने अपेक्षा गरिएको छ।