६ चैत,२०८२ काठमाडौं-  नेपाली कांग्रेसको केन्द्रीय कार्यसमितिको बैठक आज बस्दैछ। बैठकमा हालै सम्पन्न प्रतिनिधिसभा निर्वाचनमा पार्टीले बेहोरेको पराजयबारे विस्तृत समीक्षा गर्ने कार्यसूची रहेको छ।

यससँगै, सभापति गगन थापा ले निर्वाचन हारको नैतिक जिम्मेवारी लिँदै दिएको राजीनामाका विषयमा पनि छलफल हुने बताइएको छ।

आजको बैठकको अध्यक्षता उपसभापति विश्वप्रकाश शर्मा ले गर्नेछन्। उनले सभापति थापाको राजीनामा अस्वीकृत गर्ने प्रस्ताव पेश हुने जानकारी दिएका छन्।

कांग्रेसका कावा मुख्य सचिव कृष्णप्रसाद दुलाल का अनुसार बैठक दिउँसो १ बजे पार्टीको केन्द्रीय कार्यालय सानेपामा बस्नेछ। बैठकमा केन्द्रीय कार्यसमितिका पदाधिकारी, सदस्य तथा प्रदेश सभापतिहरू सहभागी हुनेछन्।