२७ माघ,२०८२ काठमाडौं – प्रधानमन्त्री सुशीला कार्कीले आगामी निर्वाचनका लागि भारत सरकारले उपलब्ध गराएको सहयोगप्रति धन्यवाद व्यक्त गरेकी छन्। मंगलबार सिंहदरबारमा नेपालका लागि भारतीय राजदूत नवीन श्रीवास्तवसँग भेट गर्दै प्रधानमन्त्री कार्कीले विशेष परिस्थितिमा हुन लागेको निर्वाचन सहज रूपमा सम्पन्न गर्न सवारीसाधनलगायत विभिन्न सामग्री सहयोग गरेकोमा आभार व्यक्त गरिन्।

भेटका क्रममा राजदूत श्रीवास्तवले नेपालको लोकतान्त्रिक प्रक्रियामा भारत सधैं साथमा रहने बताउँदै छिमेकी मित्रराष्ट्रका रूपमा सहयोग गर्नु आफ्नो कर्तव्य भएको उल्लेख गरे। उनले निर्वाचनपछि नेपालले हासिल गर्ने लोकतान्त्रिक तथा संवैधानिक स्थिरता भारतका लागि पनि महत्त्वपूर्ण रहने धारणा राखे।