२२ माघ,२०८२ काठमाडौं – काठमाडौँ महानगरपालिकाले घर वहाल (भाडा) नतिरेका आठ सहकारी संस्थालाई आफ्नो कार्यालयका घर कोठा खाली गर्न ७ दिनभित्र अल्टिमेटम दिएको छ। महानगरपालिकाले सार्वजनिक सूचना मार्फत ती सहकारीलाई घरवहाल तिर्न र आवश्यक कारबाही पालना गर्न चेतावनी दिएको हो।

कानुन तथा मानव अधिकार विभागले जारी गरेको सूचनामा उल्लेख छ कि काठमाडौँ महानगरपालिका न्यायिक समितिबाट बहालमा लिएका घर कोठा खाली गर्ने निर्णय कार्यान्वयन गर्न सहकारी संस्थाहरूले तोकिएको मिति २०८२/१०/१५ भित्र घर कोठा खाली गर्नुपर्ने उल्लेख गरिएको छ।

सूचनामा सहकारीहरूले घर कोठा खाली गर्दा कार्यालयका फर्निचर, कम्प्युटर लगायतका सामानहरू सम्बन्धित घरधनीको जिम्मा हुने र पछि ती सम्पत्ति वा सरसामान सम्बन्धमा कुनै दाबी वा विरोध नगरिने पनि उल्लेख गरिएको छ।