नेकपा एमाले महाधिवेशनमा ओलीविरुद्ध पोखरेल नेतृत्वमा प्रतिस्पर्धा तयारी

प्रकाशित मिति

२०८२ मंसिर २६ गते, शुक्रबार ०३:०८

मंसिर २६,२०८२ काठमाडौं— नेकपा एमालेका उपाध्यक्ष सुरेन्द्र पाण्डेले आगामी शनिबारदेखि सुरु हुने ११औँ महाधिवेशनमा अध्यक्ष केपी शर्मा ओलीविरुद्ध ईश्वर पोखरेलको नेतृत्वमा प्रतिस्पर्धा गर्न तयारी भइरहेको बताएका छन्।

काठमाडौंमा पोखरेल पक्षले आयोजना गरेको युवा भेलामा पाण्डेले पार्टी अध्यक्षको उमेर हद र दुई कार्यकाल सीमा हटाएर ओलीले गल्ती गरेको आरोप लगाए। उनले उक्त प्रावधान पुनःस्थापित गर्दै एउटै व्यक्ति दुई पटकभन्दा बढी पार्टी नेतृत्वमा नबस्ने नियम लागू गर्न आफूहरू चाहेको बताए।