मंसिर १८, २०८२ काठमाडौं – नेकपा एमालेका महासचिव शंकर पोखरेलले ऊर्जा मन्त्री कुलमान घिसिङको सहभागितामा घोषणा गरिएको उज्यालो नेपाल पार्टी प्रति लक्षित गर्दै कडा टिप्पणी गरेका छन्।

फेसबुकमार्फत प्रतिक्रिया जनाउँदै पोखरेलले नाम नलिई इंगलिसमा उज्यालो नेपालको मूल योजना बनाउने एक व्यक्ति भए पनि त्यसको श्रेय अर्कैले लिएको र अब पार्टी भने तेस्रोले खोलेको आरोप लगाएका छन्।

उनले लेखेका छन्, “लोडसेडिङविरुद्ध उज्यालो नेपालको योजना एउटाको, जस पायो अर्कोले, पार्टी खोल्यो तेश्रोले। जसको योजना, उसैलाई श्रेय दिने कहिले?”

पोखरेलको यस टिप्पणीलाई उज्यालो नेपाल पार्टीको ताजा घोषणा र राजनीतिक समीकरणसँग जोडेर हेरिएको छ।