मंसिर ९, २०८२ काठमाडौं – नेकपा एमालेले आगामी प्रतिनिधिसभा निर्वाचनका लागि निर्वाचन आयोगमा दल दर्ता गर्ने भएको छ। आज दिउँसो आयोगमा पुगेर दल दर्ता प्रक्रिया पूरा गर्ने तयारी रहेको पार्टीका निर्वाचन विभाग प्रमुख निरज आचार्यले जानकारी दिएका छन्।

आगामी फागुन २१ गते तय भएको प्रतिनिधिसभा निर्वाचनका लागि मंसिर १० गतेसम्म दल दर्ता गराइसक्नुपर्नेछ। आयोगका अनुसार सोमबारसम्म प्रतिनिधिसभा निर्वाचन प्रयोजनका लागि ६४ दल दर्ता भइसकेका छन्।

प्रतिनिधिसभा पुनर्स्थापनाको माग निरन्तर गर्दै आएको एमाले आज औपचारिक रूपमा दल दर्ता गर्न लागिरहेको हो।