मंसिर ६, २०८२ काठमाडौं — इलेक्ट्रो पावर कम्पनी लिमिटेडले साधारण शेयर (आइपीओ) निष्काशन गर्ने तयारी गरेको छ। कम्पनीले आइपीओ जारी गर्न आवश्यक स्वीकृतिका लागि नेपाल धितोपत्र बोर्डमा आवेदन दिएको जनाएको छ।

कम्पनीले प्रतिकित्ता अंकित मूल्य १०० रुपैयाँका दरले ८१ लाख २५ हजार कित्ता शेयर निष्काशन गर्न स्वीकृति माग गरेको हो, जसको कुल मूल्य ८१ करोड २५ लाख रुपैयाँ बराबर हुन्छ। यस आइपीओको बिक्री प्रबन्धकका रूपमा एनआईएमबि एस क्यापिटल नियुक्त भएको छ।

इलेक्ट्रो पावर कम्पनीले हाल सिन्धुपाल्चोकमा ४४ मेगावाट क्षमताको भोटेकोशी–१ जलविद्युत आयोजना निर्माण गरिरहेको छ। आइपीओबाट जुट्ने पुँजी आयोजना निर्माण तथा सञ्चालनमा प्रयोग गरिने अपेक्षा गरिएको छ।