मंसिर ५, २०८२ काठमाडौं — काठमाडौंको माइतीघर मण्डलामा जेन–जी आन्दोलनका घाइतेहरूले धर्ना बसेका छन्। उनीहरूले आफ्नो न्यायको माग पूरा नभएको भन्दै “नेपाल आमालाई न्याय खै, छानबिन आयोग कहाँ गयो, भ्रष्टाचारीलाई कारबाही खै, जेन–जीको माग पूरा भएको खै” जस्ता प्रश्नसहित प्लाइकार्ड प्रदर्शन गरेका छन्।

यसैबीच, नेकपा एमालेले माइतीघरबाट नयाँ बानेश्वरसम्म मार्चपास गर्दै बबरमहलको कार्की ब्याङ्क्वलेटमा नेसनल भोलेन्टियर फोर्स (एनभीएफ) घोषणा गर्ने योजना बनाएको छ। जेन–जी घाइतेको धर्नाका कारण त्यहाँ सुरक्षा सतर्कता वृद्धि गरिएको छ।घाइतेहरूले न्यायको लागि आफ्नो संघर्ष जारी रहने बताएका छन् भने प्रहरीले शान्ति सुरक्षामा ध्यान केन्द्रित गरेको जनाएको छ।