असोज २१, २०८२ काठमाडौं- दशैं बिदापछि आजदेखि सर्वोच्च अदालतसहित देशभरका अदालतहरू पुन: खुलेका छन्। घटस्थापनादेखि कोजाग्रत पूर्णिमासम्म बन्द रहेका अदालतहरू आजबाट संचालनमा आएका हुन्। यसैबीच, आन्दोलनका क्रममा क्षति पुगेको काठमाडौँ जिल्ला अदालत (बबरमहल) ले सीमित सेवा मात्र दिने निर्णय गरेको छ।

स्रेस्तेदार तीर्थराज भट्टराईका अनुसार, अदालतको भवनमा आगजनी र तोडफोडका कारण ठुलो क्षति पुगेकाले तत्कालका लागि केवल हिरासत म्याद थप, कल डिटेल अनुमति, जरुरी पक्राउ पूर्जी स्वीकृति, बन्दीप्रत्यक्षीकरण, अभियोगपत्रसहित बयान तथा थुनछेक सम्बन्धी ६ सेवा मात्र सञ्चालनमा ल्याइएको हो। स्थानीय प्रशासनसँग समन्वय गरेर थप निर्णय नभएसम्म यही सेवाहरू मात्र दिइने अदालतले जनाएको छ।