भदौ ३१,२०८२ काठमाडौं – सरकारले जेनजी आन्दोलनमा मृत्यु भएकालाई सहिद घोषणा गर्ने निर्णय गरेको छ। सोमबार बसेको मन्त्रिपरिषद् बैठकले मृतकको राष्ट्रिय सम्मानसहित अन्त्येष्टि गर्ने र परिवारलाई १५ लाख रुपैयाँ क्षतिपूर्ति उपलब्ध गराउने निर्णय गरेको हो।

गृह तथा कानुन मन्त्री ओमप्रकाश अर्यालका अनुसार सरकारले यसअघि मृतक परिवारलाई दिँदै आएको १० लाख क्षतिपूर्तिमा थप ५ लाख थपेर १५ लाख पुर्‍याउने निर्णय गरेको हो।

सरकारले मृतकको शवलाई सम्बन्धित स्थानसम्म पुर्‍याउन आवश्यक सहजीकरण गर्ने निर्णय पनि गरेको मन्त्री अर्यालले जानकारी दिएका छन्।